Национальная Холдинговая Компания “Узбекнефтегаз”

A+ A-
  • (998 71) 233-57-57 Ягона алоқа рақами
  • (998 71) 233-28-88 Ишонч телефони
  • (998 71) 236-76-58 Девонхона

Ташкилий тузилма

«Ўзбекнефтгаз» МХК — уч даражали вертикал-интеграллашган бошқарув тизимига эга холдинг компанияси.

Компаниянинг амалдаги бошқарув тизими Ўзбекистон Республикаси Президентининг 2006 йил 21 августдаги ПҚ-446 сонли «Ўзбекнефтгаз» миллий холдинг компанияси фаолитини ташкил қилишни такомиллаштириш чоралари тўғрисида«ги қарори ва 2008 йил 1 июлдаги ПҚ-906 сонли «Ўзбекнефтгаз» миллий холдинг компанияси ижроия аппаратининг ташкилий тузилишига ўзгартишлар киритиш тўғрисида«ги қарори билан тасдиқланган.

Ўзбекнефтгаз МХК тузилиши (.doc 270 KB)

««Ўзбекнефтгаз» МХКнинг  барча таркибий бўлинмалари Тошкент шаҳар Истиқбол кўчаси, 21 уй манзилда жойлашган»

«Ўзбекнефтгаз» МХКнинг олий органи бўлиб Акциядорлар умумий йиғилиши ҳисобланади.

«Ўзбекнефтгаз» МХК фаолиятига умумий раҳбарлик Бошқарувчилар кенгаши томонидан амалга оширилади. Бошқарувчилар кенгаши тармоқ ривожининг стратеригияси ва истиқболларини белгилайди, тактика ва ўрта муддатли вазифаларни ишлаб чиқади.

Холдинг компаниясининг ижроия аппарати Бошқарувчилар кенгашининг ишчи органи бўлиб, Бошқарувчилар кенгаши қабул қилган қарорларнинг бажарилишини таъминлайди, компаниянинг бутун кундалик молия-хўжалик фаолиятини бошқариб туради.

Холдинг компанияси Бошқаруви раиси Бошқарувчилар кенгаши раисининг ўринбосари ҳисобланади.

 

«Ўзбекнефтгаз» МХК бухгалтерияси

Компания Бухгалтериясининг асосий вазифалари «Ўзбекнефтгаз» МХК таркибига кирувчи Акциядорлик компаниялар, акциядорлик жамиятлар, шуъба корхоналарнинг бухгалтерлик ҳисобини юритиш ва бухгалтерлик ҳисоботларини тузиш бўйича ягона методология билан таъминлаш, жамлама ҳисоботларни тузиш ва белгиланган манзилларга тақдим этишдан иборат.

Бош бухгалтер - Хайруллаев Азим Абдурасулович

Алоқа тел.:236-36-24

 

«Ўзбекнефтгаз» МХКнинг Бош молия-иқтисодиёт бошқармаси

Бош бошқарманинг асосий вазифалари қуйидагича:

  • иқтисодий ислоҳотларни янада чуқурлаштириш, бозор муносабатларини ривожлантириш йўналишида тармоқ фаолиятини мувофиқлаштириш;
  • тармоқ иқтисодиёти, молия, нархлар, монополияга қарши ва солиқ сиёсати соҳасида акциядорлик компаниялар, корхона ва ташкилотларнинг фаолиятини мувофиқлаштириш;
  • холдинг компанияси корхоналарининг фаолиятини молиялаштиришни ташкил қилиш;
  • меҳнатни ташкил қилиш ва ҳақ тўлашни такомиллаштириш.

Бош бошқарма бошлиғи - Рустамов Олимхон Бакиевич

Алоқа тел.:236-00-13

 

«Ўзбекнефтгаз» МХКнинг ишлаб чиқариш фаолиятини мувофиқлаштириш ва ягона техник сиёсат юритиш Бош бошқармаси   

Бош бошқарманинг асосий вазифа ва функциялари геологик қидирув ишлари (ГҚИ), нефть ва газ бўйича қидирув ва фойдаланиш қудуқларини бурғилаш, нефть ва газни қазиб чиқариш, табиий газни қайта ишлаш, ташиш ва сақлаш, нефть ва газни қайта ишлаш бўйича ишлаб чиқариш фаолиятини мувофиқлаштириш, ишлаб чиқариш жараёнида пайдо бўладиган масалалар бўйича акциядорлик компаниялар раҳбарларига таклифлар киритиш, қабул қилинган қарорлар ижроси устидан назорат олиб боришдан иборат.

Бошқарма бошлиғи ўринбосари - Буриев Музаффар Махмудович

Алоқа тел.:236-14-65

 

«Ўзбекнефтгаз» МХК ишлаб чиқариш фаолиятини мувофиқлаштириш ва ягона техник сиёсат юритиш Бош бошқармасининг ягона техник сиёсат (ЯТС) Бўлими  

ЯТС Бўлимининг асосий вазифалари янги техника ва замонавий технологиялар, шу жумладан ахборот-коммуникация технологияларини ишлаб чиқиш ва жорий этиш, ишлаб чиқаришнинг метрологик таъминоти, телемеханизацияси ва нефтгаз тармоғининг фаолият йўналишлари бўйича технологик жараёнларни автоматлаштирилган бошқариш тизимини (ТЖАБТ) такомиллаштириш бўйича ягона техник сиёсат олиб бориш соҳасида тармоқдаги ишларни мониторинг қилиш ва мувофиқлаштиришдан иборат.  

Бўлим бошлиғи - Турсинбаев Ерген Кулдибаевич

Алоқа тел.:236-37-43

 

«Ўзбекнефтгаз» МХК ишлаб чиқариш фаолиятини мувофиқлаштириш ва ягона техник сиёсат юритиш Бош бошқармасининг углеводород хом ашёсини қазиб олиш тизимини мувофиқлаштириш ва ривожлантириш Бўлими

Бўлимнинг асосий функциялари - «Ўзнефтгазқазибчиқариш» АКнинг қазиб чиқарувчи бўлинмалари углеводород хом ашёсини қазиб чиқаришни жадал ривожлантириш ва самарадорлигини оширишга қаратилган тадбирларни бажаришлари устидан назорат олиб бориш. 

Бўлим бошлиғи - Хаджиханов Борийхон Абирханович

Алоқа тел.:232-05-17

 

«Ўзбекнефтгаз» МХКнинг Марказий ишлаб чиқариш-диспетчерлик Бошқармаси

Марказий ишлаб чиқариш-диспетчерлик Бошқармасининг асосий вазифаси қудуқларни бурғилаш ва капитал таъмирлаш, нефть, газ, газ конденсатини қазиб чиқариш, нефть маҳсулоти ва табиий газни қайта ишлаш, ташиш ва сотиш йўналишидаги ишларни мувофиқлаштириш, раҳбариятга ишлар самарадорлигини оширишга қаратилган таклифларни тақдим этиш билан ифодаланади.

Бошқарма бошлиғи - Норматов Анвар Норматович

Алоқа тел.:233-99-96

 

«Ўзбекнефтгаз» Миллий холдинг компаниясининг Бошқарув Котибияти

Котибиятнинг асосий вазифалари – Компаниянинг тегишли бошқармалари ва бўлимлари холдинг компанияси раҳбарияти учун тармоқ бўйича ишлаб чиқариш-иқтисодий кўрсаткичларни умумлаштиришлари ва тақдим этишлари, ҳисобот маълумотлари ва изоҳлар тузишлари устидан назорат қилиш. 

Котибият бошлиғи - Шарипов Дилмурод Абдувалиевич

Алоқа тел.:236-26-69

 

«Ўзбекнефтгаз» Миллий холдинг компаниясининг режим, кадрлар ва кадрларни тайёрлаш Бош бошқармаси

Бош бошқарманинг асосий вазифалари тармоқнинг иқтисодий хавфсизлигини таъминлаш, Бош бошқарма бошлиғининг функционал вазифалари билан кўзда тутилган доирада режим масалалари ва «Ўзбекнефтгаз» МХКнинг ўта муҳим ва тоифалаштирилган объектларини ишончли қўриқлаш, Компаниянинг шахсий хавфсизлик Бошқармаси, Биринчи ва Иккинчи бўлимларини назорат қилишдан иборат.

 

«Ўзбекнефтгаз» МХКнинг прогнозлаштириш, ресурслар ва инвестицион дастурлар Бош бошқармаси

Бош бошқарманинг асосий вазифаси Компаниянинг инвестицион дастурини шакллантириш ва амалга оширишни таъминлашда акциядорлик компаниялари ва корхоналар фаолиятини мувофиқлаштиришдан иборат.

Бош бошқарма бошлиғи ўринбосари - Сидиков Боходир Бахромович

Алоқа тел.:233-40-64

 

«Ўзбекнефтгаз» Миллий холдинг компаниясининг Ҳуқуқшунослик бўлими

Компания Ҳуқуқшунослик бўлимининг асосий вазифалари қуйидагилардан иборат:

  • корхона ва унинг таркибий бўлинмалари, мансабдор шахслари қонуний фаолият юритишларини таъминлашда иштирок этиш;
  • корхона ва унинг таркибий бўлинмалари ходимларининг ҳуқуқий маданиятини оширишда иштирок этиш;
  • корхона ва унинг таркибий бўлинмаларининг мол-мулки бут сақланиши бўйича ҳуқуқий воситалар билан таъминлаш ишларини ташкил этиш;
  • корхонада шартномавий-ҳуқуқий ва талаб-даъво ишлари юритилишида иштирок этиш;
  • судлар ва бошқа идораларда корхонанинг мулкий ва бошқа манфаатларини ҳимоя қилиш.

Бўлим бошлиғи - Абдурахимов Амин Найманович

Алоқа тел.:232-04-28

 

«Ўзбекнефтгаз» МХК ишлаб чиқариш фаолиятини мувофиқлаштириш ва ягона техник сиёсат юритиш Бош бошқармасининг геологик қидирув ишларини мувофиқлаштириш ва ривожлантириш (ГҚИМваР) Бўлими  

Бўлим нефть ва газ бўйича геологик қидирув ишларнинг стратегик, устувор ва самарали йўналишларини мувофиқлаштиради, «ИГИРНИГМ» ОАЖ томонидан тайёрланган ва «Ўзгеобурнефтгаз» АК томонидан тақдим этилган геологик қидирув ишларни ривожлантириш бўйича мақсадли дастурларни таҳлил қилади ва келишади.

Бўлим бошлиғи ўринбосари - Юлдашев Отабек Асрольевич

Алоқа тел.:232-04-21

 

«Ўзбекнефтгаз» Миллий холдинг компанияси ишлаб чиқариш фаолиятини мувофиқлаштириш ва ягона техник сиёсат юритиш Бош бошқармасининг нефть ва газни қайта ишлаш, газ ташиш тизимларини мувофиқлаштириш ва ривожлантириш Бўлими (НГҚИваГТТМР бўлими)

Бўлим нефть ва газни қайта ишлаш, газ ташиш соҳасида ишларнинг стратегик ва устувор йўналишлари ривожланишини мувофиқлаштиради.  “ЎзЛИТИнефтгаз” ОАЖ томонидан тайёрланган ва “Ўзнефтгазқазибчиқариш” АК ва “Ўзтрансгаз” АК томонидан тақдим этилган нефть ва газни қайта ишлаш, газ ташиш соҳасида ишларни ривожлантириш борасидаги мақсадли дастурларни таҳлил қилади ва келишади.

Бўлим бошлиғи - Абраров Зухритдин Зиявидинович

Алоқа тел.:232-05-22

 

«Ўзбекнефтгаз» Миллий холдинг компанияси ишлаб чиқариш фаолиятини мувофиқлаштириш ва ягона техник сиёсат юритиш Бош бошқармасининг саноат хавфсизлиги ва меҳнат муҳофазасини бошқариш тизимлари Бўлими

Бўлимнинг асосий вазифалари акциядорлик компаниялар, жамиятлар ва унитар корхоналар меҳнат фаолияти жараёнида ходимларнинг ҳаёти ва фаолиятининг хавфсизлигини таъминлаш мақсадида саноат хавфсизлиги ва меҳнат муҳофазаси тизимларини ишлаб чиқиш ва жорий этишлари соҳасида услубий раҳбарлик қилиш ва ишларни мувофиқлаштиришдан иборат.

Бўлим бошлиғи - Хакимов Мирзаакбар Музаффарович

Алоқа тел.:236-02-47

 

«Ўзбекнефтгаз» Миллий холдинг компанияси режим, кадрлар ва кадрларни тайёрлаш Бош бошқармасининг кадрларни тайёрлаш ва малакасини ошириш Бўлими

Бўлимнинг асосий вазифаси кадрларнинг профессионал тайёргарлиги юқори даражада бўлишини таъминлаш мақсадида қарашли ташкилотлар ва ўқув юртлари билан биргаликда корпоратив ўқув ва мониторинг қилиш тизимини ташкил этишдан иборат. 

Бўлим бошлиғи -Турдикулов Элмирза Рахматович

Алоқа тел.:236-14-63

 

«Ўзбекнефтгаз» МХКнинг хусусийлаштириш, қимматбаҳо қоғозлар ва корпоратив муносабатлар Бошқармаси

Бошқарманинг асосий вазифалари тармоқда давлат тасарруфидан чиқариш ва хусусийлаштириш дастурлари амалга оширилишини таъминлаш, Компаниянинг қимматбаҳо қоғозларини жойлаштириш, шу жумладан «Ўзбекнефтгаз» МХК ва унинг акциядорлик жамиятларининг акциялари ва бошқа қимматбаҳо қоғозларини муомалага чиқариш ва жойлаштириш, шунингдек хорижий инвесторлар орасида тарқатиш, «Ўзбекнефтгаз» МХК тизимида корпоратив бошқарув сиёсатини амалга ошириш билан изоҳланади.

Бошқарма бошлиғи - Закиров Хает Уткурович

Алоқа тел.:236-02-16

 

«Ўзбекнефтгаз» МХКнингмувозанатлашган ривожланиш, углеводород хом ашёсини чуқур қайта ишлаш ва ундан оқилона фойдаланиш Бошқармаси

Бошқарманинг асосий вазифаси қуйидаги мақсадларда тармоқ мувозанатлашган ривожланиши бўйича комплекс ишлар амалга оширилишини мувофиқлаштириш ва таъминлашдан иборат:

  • прогноз кўрсаткичлари бажарилишини доимо мониторинг қилиш, углеводород хом ашёси, нефть маҳсулотлари ва бошқа товар маҳсулотлари балансини ижро этиш;
  • углеводород хом ашёсидан оқилона ва самарали фойдаланиш ва СНиП бўйича камайишни таъминлаш, энергия ресурсларидан оптимал фойдаланиш;
  • қисқа муддатли, ўрта муддатли ва узоқ муддатли давр учун баланслар прогнозларини ишлаб чиқиш;

Бошқарма бошлиғи - Азаров Олег Владимирович

Алоқа тел.:236-37-43

 

«Ўзбекнефтгаз» МХКнинг ишлар Бошқармаси

Ишлар Бошқармасининг асосий вазифаси иш юритиш бўйича тасдиқланган меъёрий ҳужжатларни бажариш устидан ташкилий-услубий раҳбарлик қилиш ва компания аппарати бўлинмалари, бошқарма ва бўлимларда юқори турган органлар ва раҳбариятнинг турли меъёрий-ҳуқуқий ҳужжатлари ва топшириқлари ижро этилиши устидан назорат олиб боришни ташкиллаштиришдан иборат.

Бошқарма бошлиғи - Вакилов Бекзод Абдубахрамович

Алоқа тел.:236-79-16

 

«Ўзбекнефтгаз» Миллий холдинг компаниясининг ташқи иқтисодий алоқалар ва инвестицияларни жалб қилиш Бошқармаси

Бошқарманинг асосий вазифалари Компаниянинг ташқи иқтисодий фаолиятини ташкил қилиш ва таъминлаш, экспорт фаолияти, хорижий инвестициялар ва кредитларни жалб қилиш, ташқи савдо алоқаларини кенгайтириш ва мустаҳкамлашни рағбатлантириш чораларини кўришдан иборат.

Бошқарма бошлиғи - вакант

Алоқа тел.:232-04-15

 

«Ўзбекнефтгаз» МХК шахсий хавфсизлик Бошқармаси 

Бошқарманинг асосий вазифалари Компания ва унинг таркибий бўлинмалари, корхоналари ва ташкилотларининг иқтисодий, ишлаб чиқариш-техник ва информацион хавфсизлигини таъминлашга қаратилган ишларни ташкил қилиш ва фаолиятни амалга оширишдан иборат.

Бошқарма бошлиғи - Юнусов Мухаммадали Шаробидинович

Алоқа тел.:236-02-69

 

Барча “Узбекнефтегаз” МХК-нинг бошкармалар ва бўлинмалар кўйидаги манзилда жойлашган: Ўзбекистон Республикаси, 100047, Тошкент ш., Истиқбол кўчаси, 21

Сўнгги ўзгартириш: 02.11.2016

Белгиланган матнни тинглаш учун куйидаги тугмани босинг Ишлатилинмокда GSpeech