Национальная Холдинговая Компания “Узбекнефтегаз”

A+ A-
  • (998 71) 233-57-57 Ягона алоқа рақами
  • (998 71) 233-28-88 Ишонч телефони
  • (998 71) 236-76-58 Девонхона

Кўргазмалар

«Ўзбекнефтгаз» Миллий холдинг компанияси 2013 йил 29 октябрдан 4 ноябргача «Ўзэкспомарказ» МКМ” ОАЖ павильонларида ўтказилган VII Халқаро саноат ярмаркаси ва Кооперацион биржада иштирок этди. Саноат соҳаси вакиллари учун анъанага айланган ушбу тадбир ҳақиқатан ҳам жуда муҳим ақамиятга эга воқеадир. Маҳаллийлаштириш ва кооперацион алоқалар негизида тайёр маҳсулот, асбоб-ускуна ва жиҳозлар, материаллар ва хом ашёни сотиш ва сотиб олиш ҳамда хизматлар кўрсатишга оид шартномаларнинг асосий пакети айнан шу ерда шакллантирилди. Бу билан импорт ҳажми сезиларли даражада қисқарди.

Маълумки, 2009 йилдан бошлаб Саноат ярмаркаси ва Кооперацион биржа халқаро мақомга эга бўлди, бу эса контрактлар диапазонини кегайтириш имконини беради, натижада эса эришилган келишувлар, шу жумладан маҳсулот экспортига оид битимлар сони ортади.

Кенг кўламдаги бундай форумни ўтказиш ташаббуси ва ғояси Ўзбекистон Республикаси Президентига тегишли бўлиб, аллақачон у ўз самарадорлигини исботлади: мамлакатимиз товар ишлаб чиқарувчиларини қўллаб-қувватлаш бўйича самарали механизмлар, янги товар турларини ишлаб чиқариш, уларга бўлган ички талабни кучайтириш, шунингдек янги иш ўринларини яратиш ҳисобига маҳаллий саноат ривожига қўшимча импульс берди. Бу ўз навбатида давом этаётган глобал рецессия даврида алоҳида аҳамият касб этади.

Ўзбекистонда амалга оширилаётган Инқирозга қарши чора-тадбирлар Дастурига асосан мамлакатда маҳаллийлаштириш ҳажмларини, айниқса иқтисодиётнинг базавий тармоқларида 3-4 баравар ошириш мўлжалланган. Бу йўналишда Холдинг компанияси ҳам муҳим ишларни амалга оширмоқда. Йил сайин тармоқ ичи ва тармоқлараро кооперацион алоқалар доирасида маҳаллийлаштириш, тайёр маҳсулот, асбоб-ускуна ва жиҳозлар, материаллар ва хом ашёни сотиш ва сотиб олиш асосида маҳсулот ишлаб чиқариш динамикаси ўсиб бормоқда. Шу йилги саноат форуми якунлари ҳам бунга ёрқин мисол бўла олади. 2014 йил учун тармоқ бўйича шартномалар 100, 3 фоизга тузилди ва рўйхатдан ўтказилди, уларнинг пулдаги қиймати жами 705 млрд. сўмни ташкил этади. Бундан ташқари, тармоқнинг ўз маҳсулоти экспортига оид ниятлар тўғрисидаги келишувлар 100%га ёки жами 288 471, 25 минг доллар суммага имзоланди ва рўйхатдан ўтказилди.

VII Халқаро саноат ярмаркаси ва Кооперацион биржа якунларига кўра «Ўзбекнефтгаз» Миллий холдинг компаниясига «Корхона ва маҳсулотнинг энг яхши дизайни ва мавзули тақдимоти учун» номинацияси бўйича биринчи ўрин берилди.

OGU-2016 Халқаро форум кундалиги

«Ўзбекистон нефтгазсектори: технологиялар, инвестицияларва ривожланиш» 20-чи Юбилей Халқаро конференцияси OGU-2016 Халқаро форуми доирасида ўз ишини давом эттирди.

OGU 2015 – мулоқотлар марказида – дунё нефт ва газ соҳасидаги ривожланиш йўналишлари

12-14 май кунлари Тошкент шаҳридаги «Ўзэкспомарказ МКМ» ОАЖнинг кўргазма майдонларида нуфузли халқаро компаниялар иштирокида Ўзбекистонда энг йирик нефт ва газ форуми бўлиб ўтди.   

Белгиланган матнни тинглаш учун куйидаги тугмани босинг Ишлатилинмокда GSpeech